ஏ.எஸ்.எம்.ஜாவித்-
கொழும்பு புறக்கோட்டை இரண்டாம் குறுக்குத்தெருவை அண்மித்த பிரின்ஸ் வீதியில் அமைந்துள்ள தனியார் கடைத்தொகுதி ஒன்று இன்று (18) நண்பகல் தீப்பற்றி எரிந்துள்ளது.
பல்வேறுபட்ட பொருட்களைக் கொண்ட கடைத் தொகுதியின் 5வது மாடியில் உள்ள கடைகளே இவ்வாறு தீயினால் எரிந்துள்ளது. தீப்பற்றியவுடன் தீயணைப்புப் படையினருக்கு அறிவித்து அவர்கள் உடநடியாக சம்பவ இடத்திற்கு வந்து தீயை கட்டுப்பாட்டுக்குள் கொண்டு வந்துள்ளனர்.
தீ ஏற்பட்டதன் காரணமாக பல கடைகள் மூடப்பட்டதுடன் அங்காடி வியாபாரிகளும், பொதுமக்களும் பெரும் சிரமத்திற்கு உள்ளாகியுள்ளனர். பொலிஸார் பாதுகாப்பு நடவடிக்கைகளை மேற்கொண்டதுடன் தீ ஏற்பட்டதற்கான விசாரணைகளை மேற்கொண்டுள்ளனர். மின் ஒழுக்கு காரணமாக இத்தீ ஏற்பட்டிருக்கலாம் எனத் தெரிவிக்கப்படுகின்றது.
குறித்த கடைத் தொகுதியில் பாரியளவு சேதம் ஏற்பட்டுள்ளதாக தெரிவிக்கப்படுகின்றது.
