நாடாளுமன்ற அமர்வின் போது பொருத்தமில்லாத ஆடையை அணிந்து வந்த பதுளை மாவட்ட நாடாளுமன்ற உறுப்பினர் அரவிந் குமார் நாடாளுமன்றில் இருந்து வெளியேறினார்.
குறித்த நாடாளுமன்ற உறுப்பினர், கடுமையான செம்மஞ்சள் நிறத்திலான சேட்டை அணிந்து நாடாளுமன்றிற்கு நேற்றைய தினம் வருகை தந்துள்ளார். 'சேர் நீங்கள் நாடாளுமன்றிற்கு பொருத்தமில்லாத ஆடையை அணிந்து வந்துள்ளீர்கள்' என சிலர் தெரிவித்துள்ளனர்.
இதனை கேட்ட அரவிந் குமார் சபையை விட்டு வெளியேறியுள்ளார். ஆண் நாடாளுமன்ற உறுப்பினர்கள் கடுமையான நிறத்திலான ஆடை அணிவதற்கு தடை விதிக்கப்பட்டுள்ளதாகவும், பெண் நாடாளுமன்ற உறுப்பினர்கள் கட்டாயம் சாரியே அணிய வேண்டும் எனவும் படைக்கல சேவிதர் அனில் சமரசேகர கூறியுள்ளார்.
இதேவேளை இதற்கு முன்னதாக பொருத்தமில்லாத ஆடைகளை அணிந்து நாடாளுமன்றிற்கு வருகைதந்திருந்த இரண்டு பெண் நாடாளுமன்ற உறுப்பினர்கள் சபையை விட்டு வெளியேறியிருந்தமை குறிப்பிடத்தக்கது.
