எப்.முபாரக்-
அனுமதியின்றி இலங்கையின் திருகோணமலை கடற்பரப்பில் மீன் பிடி நடவடிக்கைகளில் ஈடுபட்ட இந்திய மீனவர்கள் 29 பேரையும் எதிர்வரும் 11ஆம் திகதி வரை விளக்கமறியலில் வைக்குமாறு திருகோணமலை நீதிமன்ற நீதிவான் ரி.சரவணராசா வெள்ளிக்கிழமை (1) உத்தரவிட்டார்.
திருகோணமலை கடற்பரப்பில் கடந்த புதன் கிழமை(30) மீன் பிடித்துக்கொண்டிருந்த இருபத்தொன்பது இந்திய மீனவர்களை கடற்படையினரால் கைதுசெய்யப்பட்டு தமிழக மீனவர்களை திருகோணமலை துறைமுக பொலிஸாரிடம் ஒப்படைத்தார்கள்.
துறைமுக பொலிஸார் தமிழக இந்திய மீனவர்களை திருகோணமலை நீதிமன்றில் ஆஜர்படுத்திய போதே விளக்கமறியலில் வைக்குமாறு திருகோணமலை நீதிமன்ற நீதிவான் உத்தரவிட்டுள்ளார்.
29மீனவர்களும் தமிழ்நாட்டின் காரைக்கால்,தூத்துக்குடி,நாகப்பட்ணம் போன்ற பிரதேசங்களை சேர்ந்தவர்களாவர்.
ஏற்கனவே பல இந்திய மீனவர்கள் இலங்கையில் தடுத்துவைக்கப்பட்டுள்ள நிலையிலேயே இவர்களும் கைதுசெய்யப்பட்டுள்ளனர்.
