எம்.வை.அமீர்-
இன்றுடன் ஆட்சிக்காலம் நிறைவடையும் என எதிர்பார்க்கப்பட்ட கல்முனை மாநகரசபையின் ஆட்சிக்காலம் ஏனைய சில மாநகரசபையுடன் சேர்த்து இன்னும் ஆறு மாதங்களுக்கு நீடிக்கப்பட்டுள்ள இவ்வேளையில் 2016ஆம் ஆண்டுக்கான வரவு செலவுத்திட்டம், 2015-12-31 ஆம் திகதி கல்முனை முதல்வர் சட்டமுதுமானி நிஸாம் காரியப்பர் தலைமையில் கூடிய போது சபையில் வரவு செலவுத்திட்டம் சமர்ப்பிக்கப்பட்டு விவாதத்தின் பின்னர் ஏகமனதாக நிறைவேற்றப்பட்டது.
கல்முனை மாநகரசபையின் 2016ஆம் ஆண்டுக்கான வரவு செலவுத்திட்ட அறிக்கையின் பிரகாரம் மொத்த சபை நிதி வருமானமாக 73876000.00 ரூபாயும் சபை மூலதன மீண்டுவரும் செலவீனமாக 52359606.00 ரூபாயும் சபை நிதி மூலதன செலவீனம் 21500000.00 ரூபாயும், மிகை 16394.00 ம் ஆக குறிப்பிடப்பட்டுள்ளது.
முதல்வரால் வரவு செலவுத்திட்டம் சமர்ப்பிக்கப்பட்டபோது விவாதத்தை எதிர்க்கட்சி சார்பில் அதன் தலைவர் கே.ஏகாம்பரம் விவாதத்தை ஆரம்பித்து வைத்து உரையாற்றினார் பின்னர் உறுப்பினர்கள் அனைவரும் தங்கள் தங்களது கருத்துக்களை முன்வைத்து உரையாற்றினர். இறுதியாக பிரதி முதல்வர் ஏ.எல்.ஏ.மஜீட் உரையாற்றினார். பின்னர் 2016ஆம் ஆண்டுக்கான வரவு செலவுத்திட்டத்தை ஏகமனதாக நிறைவேற்றுவதாக தீர்மானிக்கப்பட்டு நிறைவேற்றப்பட்டது.
