ஆழிக் கடல் பேரழகு
ஓலமிடும் அலையழகு
திட்டமாய் ஓடும் படகு முட்டி
கரைமோதும் தண்ணி
அழகே! அழகு
அவலக்குரல் இழுக்கானும்
அலவக்கரை ஆக்களும்
கிண்டிநுழை நண்டுகளும்
திண்டு உலா காக்கையும்
தேங்கி தேடும் கீச்சானும்
அழகே! அழகு
அள்ளி விளையாடும் மண்ணு
துள்ளியாடிவரும் பெருந்தண்ணி
தூர தள்ளிவரும் பெரும்சிப்பி
நேர ஓடி விலகும் நண்டு
எண்ணி விளையாடும் சங்கு
அழகே! அழகு
தலைப்பாகை மீனவனும்
தள்ளி ஓடும் தோணியும்
மன்றாடும் மந்து வலையும்
திண்டாடும் மீன்கள் நிலையும்
அழகே! அழகு
கும்பி மணல் மேடு
நம்பியடிக்கும் குளிரு
தங்கி வாழும் குடிலு
ஓங்கியடிக்கும் கடலு
அழகே! அழகு.
காற்று வாங்க கூடி
தோண்டி மணல் கூட்டி
தொன்றி எழும் மனக்காட்சி
கோலமிடும் கண்காட்சி
அழகே! அழகு
அக்கரை ஊர் கவிஞன்
ஏ. எச்.ஜூனைடீன்
அட்டாளைச்சேனை
