இந்நியமனம் இலக்கிய மற்றும் சமூக வட்டாரங்களில் பெரும் மகிழ்ச்சியையும் எதிர்பார்ப்பையும் உருவாக்கியுள்ளது. சர்வதேசத் தலைவர் கலாநிதி எஸ்.எம். ரஸ்மி ரூமி அவர்களின் தலைமையில் இயங்கும் இவ்வமைப்பில், ஹாஷிம் உமர் அவர்களின் இணைவு இலங்கைப் பிரிவின் செயல்பாடுகளுக்கு புதிய வலிமையையும் திசையையும் வழங்கும் எனக் கருதப்படுகிறது.
பல்துறை அனுபவம் கொண்ட ஆளுமை
புரவலர் ஹாஷிம் உமர் அவர்கள் இலங்கையின் சமூக, ஊடக மற்றும் கலாசார துறைகளில் நீண்டகால அனுபவம் பெற்றவர். அவர் வகித்து வந்த மற்றும் வகித்து வரும் பொறுப்புகள் அவரது நிர்வாக திறனைத் தெளிவுபடுத்துகின்றன.
புரவலர் புத்தகப் பூங்கா – ஸ்தாபகர்
சுயாதீன தொலைக்காட்சி சேவை – முன்னாள் பணிப்பாளர்
இலங்கை மேமன் சங்கம் – பொதுச்செயலாளர்
ஹாஷிம் உமர் பௌண்டேஷன் – ஸ்தாபகர்
இலங்கை செஞ்சிலுவைச் சங்கம் – செயற்பாட்டு பங்களிப்பு
இலங்கை – இந்தியக் கழகம் – உறுப்பினர்
டவர் நிதியம் – பணிப்பாளர் சபை உறுப்பினர்
இலங்கை ஒலிபரப்புக் கூட்டுத்தாபனம் – முன்னணி பொறுப்புகள்
இந்தப் பதவிகள் அனைத்தும் அவரின் பல்துறை ஈடுபாட்டையும், சமூக நலனுக்கான உறுதிப்பாட்டையும் வெளிப்படுத்துகின்றன.
எழுத்தாளர்களின் உறுதியான ஆதரவாளர்
ஹாஷிம் உமர் அவர்கள் எழுத்தாளர்களின் நெருங்கிய தோழனாக அறியப்படுகிறார். குறிப்பாக இளம் எழுத்தாளர்கள் மற்றும் சிரேஷ்ட படைப்பாளர்களின் நூல்களை அச்சிட்டு வெளியிட உதவுவதிலும், அவர்களை ஊக்குவிப்பதிலும் அவர் முன்னோடியாகத் திகழ்கிறார்.
இதுவரை 1400-க்கும் மேற்பட்ட நூல்களின் முதற் பிரதிகளைப் பெற்று சாதனை படைத்திருப்பது அவரது இலக்கியப் பற்றின் ஒரு முக்கியச் சான்றாகும்.
சமூகப் பணிகளில் பெரும் பங்கு
இலக்கியம் மட்டுமன்றி, சமூகப் பணிகளிலும் அவர் ஆழ்ந்த பங்களிப்பைச் செய்துவருகிறார். குறிப்பாக பொருளாதார ரீதியாக பின்னடைந்த பல்கலைக்கழக மாணவர்களின் கல்வியை முன்னேற்றும் நோக்கில் 100-க்கும் மேற்பட்ட மடிக்கணினிகளை வழங்கியுள்ளார். இது பல இளைஞர்களின் கல்வி பயணத்தில் முக்கிய மாற்றத்தை ஏற்படுத்தியுள்ளது.
கலைத்துறைகளுக்கிடையிலான இணைப்புப் பாலம்
இலங்கை மற்றும் தமிழகத் திரைப்படத் துறையினருடன் நெருங்கிய தொடர்புகளை பேணி வரும் அவர், கலைஞர்களை ஒன்றிணைக்கும் பாலமாகவும் செயல்படுகிறார். அவரது இந்த முயற்சிகள், தமிழ் கலைத்துறையின் பரிமாற்றத்தையும் வளர்ச்சியையும் ஊக்குவிக்கின்றன.
பொருத்தமான நியமனம்
பதவிக்காக அல்ல, பணிக்காக வாழும் ஆளுமையாகக் கருதப்படும் ஹாஷிம் உமர் அவர்களின் இந்த நியமனம் மிகவும் பொருத்தமான ஒன்றாகக் கருதப்படுகிறது. அவரது வழிகாட்டுதலில் இலங்கையின் கலை மற்றும் பண்பாட்டு வளங்கள் சர்வதேச அரங்கில் மேலும் உயரம் பெறும் என்ற நம்பிக்கை அதிகரித்துள்ளது.
புதிய பொறுப்பை ஏற்கும் புரவலர் ஹாஷிம் உமர் அவர்களுக்கு உலகெங்கிலும் உள்ள தமிழ் ஆர்வலர்கள், இலக்கியவாதிகள் மற்றும் சமூகச் செயற்பாட்டாளர்கள் மனமார்ந்த வாழ்த்துகளைத் தெரிவித்து வருகின்றனர்.
0 comments :
Post a Comment