பல்கலைக்கழகத்தின் பரீட்சைகள் பிரிவில் தனது பணியைத் தொடங்கி, இருபது ஆண்டுகளாக கல்வி நிர்வாகத்தில் நேர்மை, திறமை, ஒழுக்கம் மற்றும் அர்ப்பணிப்பு ஆகியவற்றை முன்னிறுத்தி பணியாற்றிய அவர், அண்மையில் தென்கிழக்குப் பல்கலைக்கழகத்தின் பொறியியல் பீடத்திற்கு இடமாற்றம் பெற்றுள்ளார். இதனை முன்னிட்டு, 2026 ஆம் ஆண்டு ஆகஸ்ட் 6 ஆம் திகதி கலை மற்றும் கலாசாரப் பீட கூட்ட மண்டபத்தில் நடைபெற்ற 247ஆவது பீட சபைக் கூட்டத்தின் போது, அவரை கௌரவிக்கும் சிறப்பு நிகழ்வு ஒழுங்கு செய்யப்பட்டிருந்தது.
இந்நிகழ்வில் கலை மற்றும் கலாசாரப் பீடத்தின் பீடாதிபதி பேராசிரியர் எம். எம். பாஸில் அவர்கள் சிறப்புரையாற்றி, முகம்மது புசைல் அவர்களின் இருபது ஆண்டுகால அர்ப்பணிப்புமிக்க சேவையை நினைவுகூர்ந்தார். பரீட்சை நடவடிக்கைகளை மிகவும் ஒழுங்காகவும் துல்லியமாகவும் ஒருங்கிணைத்து, கல்வி நேர்மையைப் பாதுகாப்பதிலும், பரீட்சைச் செயற்பாடுகள் தடையின்றி நடைபெற உறுதியான பங்களிப்பை வழங்கியதிலும் அவரது சேவை மிகுந்த பாராட்டுக்குரியது என அவர் குறிப்பிட்டார்.
மேலும், மாணவர்கள், கல்விசார் ஊழியர்கள் மற்றும் நிர்வாகப் பிரிவுகளுடன் இணக்கப்பூர்வமாகச் செயல்பட்டு, ஒவ்வொரு பரீட்சை நடவடிக்கையும் சிறப்பாக நிறைவேறுவதற்கு அவர் ஆற்றிய அர்ப்பணிப்பான பணிகள், கலை மற்றும் கலாசாரப் பீடத்தின் கல்வித் தரத்தை உயர்த்துவதில் குறிப்பிடத்தக்க பங்காற்றியுள்ளதாகவும் பீடாதிபதி தனது உரையில் சுட்டிக்காட்டினார்.
இதனைத் தொடர்ந்து, பீடாதிபதி, முன்னாள் பீடாதிபதிகள் மற்றும் பீடத்தின் மூத்த கல்வியாளர்கள் இணைந்து ஏ.ஏ. முகம்மது புசைல் அவர்களுக்கு நினைவுப் பரிசுகள் மற்றும் கௌரவச் சின்னங்களை வழங்கி, அவரது அரிய சேவையைப் பாராட்டினர். நிகழ்வில் கலந்துகொண்ட கல்வியாளர்களும் நிர்வாக ஊழியர்களும், அவரது பணிப்பற்று, எளிமை, நேர்மை, சக ஊழியர்களுடன் பேணிய இனிய உறவு மற்றும் கடமையுணர்வை நினைவுகூர்ந்து தங்களது வாழ்த்துக்களையும் பாராட்டுகளையும் தெரிவித்தனர்.
இருபது ஆண்டுகளாக கல்வி நிர்வாகத்தின் பல்வேறு சவால்களை திறம்பட எதிர்கொண்டு, பல்கலைக்கழகத்தின் பரீட்சை நிர்வாகத்தை உயர்ந்த தரத்தில் பேணுவதில் திரு. முகம்மது புசைல் அவர்கள் ஆற்றிய சேவை, தென்கிழக்குப் பல்கலைக்கழகத்தின் வளர்ச்சிப் பயணத்தில் மறக்க முடியாத பங்களிப்பாகும்.
இறுதியாக, கலை மற்றும் கலாசாரப் பீடக் குடும்பம், திரு. ஏ.ஏ. முகம்மது புசைல் அவர்களின் அர்ப்பணிப்பான சேவைக்கு மனமார்ந்த நன்றியைத் தெரிவித்ததுடன், பொறியியல் பீடத்தில் அவர் ஏற்றுள்ள புதிய பொறுப்பிலும் இதே அர்ப்பணிப்புடனும் சிறப்புடனும் பணியாற்றி மேலும் பல வெற்றிகளைப் பெற வாழ்த்துக்களையும் தெரிவித்தது.
0 comments :
Post a Comment