சீரற்ற வானிலை காரணமாக வெள்ளத்தால் இடம்பெயர்ந்த கொலன்னாவ மற்றும் வெல்லம்பிட்டிய பகுதிகளை நீதி அமைச்சர் அலி சப்ரி நேற்று (06) பார்வையிட்டார்.
அமைச்சர் கொலன்னாவ ரஜ மகா விஹாரையை பார்வையிட்டதுடன், கொலன்னாவ ரஜ மகா விஹாரையில் இடம்பெயர்ந்த மக்களுக்கு எவ்வாறு நிவாரணம் வழங்க வேண்டும் என்பது குறித்து கலந்தாலாலோசிப்பதற்கு கொலன்னாவ தம்மிகா தேரர், மகா சங்கம் மற்றும் உள்ளூர் அரசியல் பிரதிநிதிகளும் கலந்து கொண்டனர்.
இடம்பெயர்ந்த மக்களுக்காக தற்காலிகமாக அமைக்கப்பட்டுள்ள வெல்லம்பிட்டி அறிவியல் மேம்பாட்டுக் கல்லூரியில் உள்ள இடம்பெயர்ந்தோர் முகாமுக்குச் சென்ற அமைச்சர், அங்குள்ள மக்களின் தேவைகள் குறித்து விசாரித்தார்.
பின்னர் அமைச்சர் வெல்லம்பிட்டியில் உள்ள கால்வான ரஜமஹா விகாரஸ்தனாயாவில் உள்ள இடம்பெயர்ந்த மையத்தை பார்வையிட்டு வெல்லம்பிட்டி மற்றும் கொலன்னாவ பகுதிகளில் இடம்பெயர்ந்த மக்களின் தேவைகள் குறித்தும் விசாரித்தார்.
மேலும், அமைச்சர் கொலன்னாவ ஜும்ஆ பள்ளிவாசலையும் பார்வையிட்டு வெள்ளத்தால் பாதிக்கப்பட்ட முஸ்லிம் மக்களின் தேவைகள் குறித்து விசாரித்தார்.
வெள்ளத்தால் இடம்பெயர்ந்த மக்களுக்கு உணவு வழங்குவது குறித்தும், வெள்ளம் குறைந்தவுடன், வெள்ளம் சூழ்ந்த வீடுகள் உள்ளிட்ட பொது இடங்களை எவ்வாறு சுத்தம் செய்வது மற்றும் கொவிட் 19 தொற்றுநோய் சுகாதார வழிகாட்டுதல்களுக்கு முகங்கொடுக்கும் பேரழிவுகளை எவ்வாறு எதிர்கொள்வது என்பன குறித்தும் இந்த சந்திப்பில் கவனம் செலுத்தப்பட்டன.
இந்தப் பகுதிகள் வருடம்தோறும் பல முறை வெள்ளத்தை எதிர்கொள்வதால், நீண்ட கால தீர்வுகள் காணப்பட வேண்டும் என்றும் அமைச்சர் சுட்டிக்காட்டினார்.
இலங்கை பெற்றோலிய வளங்கல் நிறுவனத்தின் தலைவர் முஹம்மட் உவைஸ், கொட்டிகாவத்த முல்லேரியாவ பிரதேச சபை தவிசாளர் ரங்கஜீவா ஜெயசிங்க, துணைத் தலைவர் இந்தூனில் ஜகத் குமார, எதிர்க்கட்சித் தலைவர் சாலியா விக்ரமசிங்க, சபையின் முன்னாள் உறுப்பினர் மற்றும் பலரும் இந்த நிகழ்வில் கலந்து கொண்டனர்.
0 comments :
Post a Comment