சந்திரிக்கா களத்தில் இறங்கினால் - மஹிந்தவுக்கு பின்னடைவு - விமல் வீரவன்ஸ

பொதுத் தேர்தலில் ஸ்ரீலங்கா சுதந்திரக் கட்சி அல்லது வேறு ஒரு கூட்டணியின் கீழ் முன்னாள் ஜனாதிபதி சந்திரிக்கா பண்டாரநாயக்க குமாரதுங்க போட்டியிட்டால், மகிந்த ராஜபக்ச தரப்பு குறிப்பிடத்தக்களவு பின்னடைவை சந்திப்பது நிச்சயம் என தேசிய சுதந்திர முன்னணியின் தலைவர் விமல் வீரவன்ஸ தெரிவித்துள்ளார்.

தனக்கு நெருக்கமான ஊடகவியலாளர்கள் சிலரிடமே அவர் இவ்வாறு கூறியுள்ளார்.

முன்னாள் ஜனாதிபதி சந்திரிக்கா பண்டாரநாயக்க எதிர்வரும் பொதுத் தேர்தலில் போட்டியிட போவதாக அவரது செயலாளர் பியதாச திஸாநாயக்க நேற்று ஊடக அறிக்கையை வெளியிட்டதை தொடர்ந்து மகிந்த ராஜபக்ச ஆதரவாளர்கள் மத்தியில் அதிர்வு ஏற்பட்டுள்ளதாக வீரவன்ஸ கூறியுள்ளார்.

முன்னாள் ஜனாதிபதி சந்திரிக்காவின் செயலாளர் நேற்று வெளியிட்ட அறிக்கை, மகிந்த ராஜபக்ச இன்று வெளியிட்ட உத்தியோகபூர்வ அறிக்கையில் பெரும் தாக்கத்தை ஏற்படுத்தியுள்ளதாக மகிந்த ராஜபக்சவுக்கு நெருக்கமானவர்கள் தெரிவிக்கின்றனர்.

மெதமுலன இல்லத்தில் மகிந்த ராஜபக்ச இன்று விசேட அறிவிப்பை வெளியிட்ட பின்னர், ஊடகவியலாளர்கள் அனைவரையும் வெளியேற்றி விட்டு, மகிந்த ராஜபக்ச ஆதரவாளர்கள் மாத்திரம் மூடிய அறைக்குள் கலந்துரையாடல் ஒன்றை நடத்தினர்.

முன்னாள் ஜனாதிபதி சந்திரிக்கா தேர்தலில் போட்டியிட்டால், ஏற்படக் கூடிய பாதிப்புகள் மற்றும் அதனை தடுக்க எடுக்க வேண்டிய நடவடிக்கைகள் குறித்து இதன் போது கலந்துரையாடியுள்ளதாக பேசப்படுகிறது.

முன்னாள் ஜனாதிபதி சந்திரிக்காவின் அரசியல் மீள்வருகை சர்வதேச சதித்திட்டம் என ஊடகங்கள் மூலம் அடுத்த சில தினங்களில் பாரிய பிரசாரங்களை முன்னெடுப்பது என இந்த கலந்துரையாடலில் தீர்மானிக்கப்பட்டுள்ளதாக கூறப்படுகிறது.
(செய்தி-தமிழ்வின்)
இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -